ފަހުގެ ޚަބަރު: ބިޔާދޫގެ ބަދަލުގައި ޔޮޓް ޓުއާސްއަށް ރަށެއް ދޭގޮތަށް ސަރުކާރުން ނިންމައިފ

ި

މުހައްމަދު ރަފީއު ހެނދުނު، 09:03 0 ޚިޔާލު

ބިޔާދޫ ރިޒޯޓް: މިރަށަށް ޔޮޓް ޓުއާސްއިން ހުށަހެޅި ބީލަމް ކެންސަން ކުރުމާގުޅިގެން ދަށުކޯޓުން ކުރި ހުކުމް ހައިކޯޓުން ވަނީ ބާޠިލްކޮށްފައި. ހައިކޯޓުން ކުރި ހުކުމް ތަންފީޒު ކުރެވިފައި ވަނީ ހުކުމް ކުރިތާ އަހަރެންހާ ދުވަހަށްފަހު.

ކ. ބިޔާދޫގެ ބަދަލުގައި ޔޮޓް ޓުއާސްއަށް ރަށެއް ދިނުމަށް ސަރުކާރުން ނިންމައިފި އެވެ.

މިނިސްޓްރީ އޮފް ޓޫރިޒަމް އެންޑް ސިވިލްއޭވިއޭޝަނުން ރޭ ބުނީ ބިޔާދޫގެ ބަދަލުގައި ޔޮޓް ޓުއާސްއަށް ރަށެއް ދޭން ނިންމީ, ހައިކޯޓްން ކޮށްފައިވާ ހުކުމާ ގުޅިގެން, އެ ދެރަށް ކާމިޔާބު ކުރުމުގެ ފުރުޞަތު ޔޮޓް ޓުއާސްއަށް އޮތްތޯ ބެލުމަށް ސަރުކާރުން ކަނޑައެޅުއްވި ފަސް މެމްބަރުންގެ ކޮމިޓީން ހެއްދެވި ކޮމްޕެރެޓިވް އެސެސްމެންޓްގައި ޔޮޓް ޓުއާސްއަށް ބިޔާދޫގެ ކާމިޔާބު ކުރުމުގެ ފުރުޞަތު އޮތް ކަމަށް ނިންމުމާ ގުޅިގެން އަދުލުވެރި ބަދަލެއް ދިނުމަށް ސަރުކާރުން ކަނޑައަޅާފައި ވާތީ އެވެ.

ޓޫރިޒަމުން ބުނީ ޔޮޓް ޓުއާސްއަށް ބިޔާދޫ ކާމިޔާބު ކުރުމުގެ ފުރުޞަތު ގެއްލިގެން ދިއުމުން އެ ކުންފުންޏަށް ކުރިމަތިވާނެ ގެއްލުމުގެ އޮޕޮޗުނިޓީ ކޮސްޓެއްގެ އެސެސްމެންޓެއް ސަރުކާރުން ހަދާފައިވާ ކަމަށެވެ.

ޓޫރިޒަމް މިނިސްޓްރީން ބުނި ގޮތުގައި އޮޕޮޗުނިޓީ ކޮސްޓްގެ މިންވަރު އަންދާޒާ ކުރުމަށް ސަރުކާރުން ހެއްދެވި ހިސާބުތަކުން ދައްކާގޮތުން ޓޫރިސްޓް ރިޒޯޓެއްގެ ގޮތުގައި ބިޔާދޫ ހިންގައިގެން 35 އަހަރު ދުވަހުގެ ތެރޭގައި ލިބެނޭ ކަމަށް ލަފާކުރެވޭ ފައިދާގެ ނެޓް ޕްރެޒެންޓް ވެލިއުއާ އެންމެ ގާތްކުރާ އަދަދެއް ކަމަށް ލަފާކުރެވިފައި ވަނީ 3.33 މިލިއަން ޑޮލަރެވެ. މި އަދަދަކީ ވަރަށް ބޮޑު އަދަދެއް ކަމަށް ވެފައި މިވަރުގެ ބޮޑު އަދަދެއް ސަރުކާރުން ދިނުމަކީ ދަތިކަމަކަށް ވާނެތީ, ފައިސާގެ ބަދަލެއް ދިނުމުގެ ބަދަލުގައި ޔޮޓް ޓުއާސް އަށް ރިޒޯޓެއްގެ ގޮތުގައި ތަރައްގީ ކުރުމަށް ރަށެއް ދިނުމަށް ސަރުކާރުން ނިންމާފައިވާ ކަމަށާއި މިކަމާ ގުޅޭ މަޝްވަރާތައް ކުންފުންޏާއެކު ފެށުމަށް އަންގާފައިވާ ކަމަށް ޓޫރިޒަމުން ބުނެ އެވެ.