ފާއިތުވި 2007 ވަނަ އަހަރު ރާއްޖޭގެ ރިސޯޓްތަކުގެ ކުލީގެ ގޮތުގައާއި ބެޑްޓެކްސްގެ ގޮތުގައި ދައުލަތަށް 1.9 ބިލިއަން ރުފިޔާ ލިބިފައިވާ ކަމަށް ޓޫރިޒަމް މިނިސްޓްރީން ހާމަކޮށްފިއެވެ.
އެ މިނިސްޓްރީން މަޢުލޫމާތު ދެއްވި ގޮތުގައި 1.9 ބިލިޔަން ރުފިޔާގެ ތެރޭގައި ހިމެނެނީ، ރިސޯޓްތަކުގެ ކުލީގެ ގޮތުގައި ދައުލަތަށް ލިބިފައިވާ، 1.4ބިލިއަން ރުފިޔާ (111،922،421.40 އެމެރިކާ ޑޮލަރު)އާއލ ރިސޯޓްތަކުން ބެޑްޓެކްސްގެ ގޮތުގައި 0.5 ބިލިއަން ދިވެހި ރުފިޔާ ( 547،324،000.00 އެމެރިކާ ޑޮލަރު) އެވެ.
ޓޫރިޒަމުން ހާމަކޮށްފައިވާ ގޮތުގައި ރައްޖޭގެ ރިސޯޓްތަކުން ސަރުކާރަށް ދައްކަންޖެހޭ ކުލި ވަނީ ދެބަޔަކަށް ބަހާލެވިފައެވެ. އެއީ މިހާރު ރާއްޖޭގައި ހިންގަމުންދާ ރިސޯޓްތަކާއި މިހާރު ރިސޯޓް ތަރައްޤީކުރުމަށް ދޫކުރެވިފައިވާ ނަމަވެސް ނުހެދި ހުރި ރިސޯޓްތަކެވެ. އެގޮތުން ތަރައްޤީކުރުމަށް ދޫކުރެވިފައިވާ ރިޒޯޓްތަކުން ކުލިދައްކަންޖެހޭ މުއްދަތު ހަމަވެގެން 28 ރަށަކުން މިހާރު ވެސް ސަރުކާރަށް ކުލި ދައްކަމުންދާ ކަމަށާއި ރާއްޖޭގައި މިހާރު ހިންގަމުންދާ 92 ރިޒޯޓް، ޔޮޓްމެރީނާތަކުން ސަރުކާރަށް ކުލިދައްކަމުންދާ ކަމަށް ވެސް ޓޫރިޒަމްއިން މަޢުލޫމާތު ދެއްވިއެވެ.
ފާއިތުވި އަހަރު ރިސޯޓް ތަރައްޤީކުރުމަށް ދޫކުރެވިފައިވާ ރައްރަށުން އެޑްވާންސް ޕޭމަންޓްގެ ގޮތުގައި 0.5 ބިލިއަން ރުފިޔާ ( 42،802،432.48 އެމެރިކާ ޑޮލަރު ) ސަރުކާރަށް ލިބިފައިވެއެވެ. 2007 ވަނަ އަހަރަކީ ރާއްޖޭއަށް ރިކޯޑް މިންވަރަކަށް ފަތުރުވެރިން ޒިޔާރަތްކޮށްފައިވާ އަހަރެކެވެ. އެގޮތުން މިދިޔަ އަހަރު ނިޔަކަށް 675،889 ފަތުރުވެރިން ރާއްޖެއަށް ޒިޔާރަތް ކޮށްފައިވެއެވެ. އެވްރެޖްގޮތެއްގައި ކޮންމެ ފަތުރުވެރިއަކު 8.5 ދުވަސް ރާއްޖޭގައި ހޭދަކޮށްފައިވާ ކަމަށް ތަފާސް ހިސާބުތަކުން ދައްކައެވެ. މިއިން ކޮންމެ ފަތުރުވެރިއަކު އަތުން ދުވާލެއްގެ މައްޗަށް މަދުވެގެން 150 އެމެރިކާ ޑޮލަރު ހޭދަކުރާނެ ކަމަށް އަންދާޖާކޮށްފި ނަމަ، މިދިޔަ އަހަރު ރާއްޖެއަށް ޒިޔާރަތްކުރި ފަތުރުވެރިންގެ ފަރާތުން އާއްދަނީގެ ގޮތުގައި ރާއްޖެއަށް 0.8 ބިލިއަން ރުފިޔާ (861،758،475.00 އެމެރިކާ ޑޮލަރު ) އެމެރިކާ ޑޮލަރު ލިބިފައިވާނެ ކަމަށް ބެލެވެއެވެ.
ސަރުކާރަށް ރިސޯޓްތަކުން ލިބޭ އާމްދަނީ އިތުރު ކުރެއްވުމަށް މިއަހަރު އިތުރު 30 ރިސޯޓެއް ތަރައްޤީކުރުމަށް ބީލަމަށްލައްވާނެ ކަމަށް ޓޫރިޒަމް މިނިސްޓަރ ވަނީ ވިދާޅުވެފައެވެ.
No comments:
Post a Comment